ការសាកល្បងវ៉ាក់សាំងកូវីដ​-១៩ ថយចុះដោយការវាយប្រហារដោយមេរោគ​ Ransomware

eResearchTechnology ជាក្រុមហ៊ុនដែលផ្តល់សេវាកម្មព្យាបាល និងបង្កើតកម្មវិធីដែលប្រើដោយឧស្សាហកម្មជីវសាស្រ្ត ត្រូវបានវាយប្រហារដោយមេរោគ Ransomware នៅថ្ងៃទី ២០ ខែកញ្ញា ដោយសារការប្រើប្រាស់ឧបករណ៍របស់ខ្លួនយ៉ាងទូលំទូលាយសម្រាប់ចូលរួមក្នុងការស្រាវជ្រាវមេរោគកូវីដ-១៩ ការវាយប្រហារនេះធ្វើឱ្យការស្រាវជ្រាវមានការយឺតយ៉ាវ ។

ប្រជាជនទន្ទឹងរង់ចាំនូវរាល់ការវិវត្តថ្មីដែលទាក់ទងនឹងការស្រាវជ្រាវ​ជំងឺកូវីដ-១៩ ជាពិសេសវ៉ាក់សាំងនិងការធ្វើតេស្តខ្លីៗ។ ឧក្រិដ្ឋជនតាមអ៊ីនធឺណិតជាធម្មតាមានផែនការផ្សេងទៀត ហើយពួកគេច្រើនតែវាយប្រហារឧស្សាហកម្មដែលពាក់ព័ន្ធនឹងការងារសំខាន់ៗ។ មេរោគ Ransomware ត្រូវបានប្រើជាញឹកញាប់នៅក្នុងស្ថានភាពទាំងនេះ ពីព្រោះក្រុមហ៊ុនបែបនេះអាចមានទំនោរក្នុងការបង់ថ្លៃលោះ។

ក្រុមហ៊ុនមិនបានរាយការណ៍អំពីការវាយប្រហារដំបូងឡើយ ហើយព័ត៌មានលម្អិតបានលេចចេញមកនៅក្នុងរបាយការណ៍របស់ កាសែតញូវយ៉កថែមស៍។ លោក Drew Bustos អនុប្រធានផ្នែកទីផ្សារនៃក្រុមហ៊ុន​ ERT បានសារភាពថាឧប្បត្តិហេតុនៃមេរោគ ransomware​ បានកើតឡើងនៅថ្ងៃទី ២០ ខែកញ្ញាបន្ទាប់ពីនោះពួកគេបានហៅអ្នកជំនាញខាងប្រព័ន្ធសន្តិសុខនឹងជូនដំណឹងទៅ FBI ។

eResearchTechnology បង្កើតកម្មវិធីដែលត្រូវបានប្រើក្នុងការសាកល្បងព្យាបាលជាច្រើន រួមទាំងក្រុមហ៊ុនដែលកំពុងធ្វើការយ៉ាងសកម្មដើម្បីបង្កើតវ៉ាក់សាំងកូវីដ- ១៩​ និងការព្យាបាល។ ក្នុងនោះរួមមាន IQVIA ដែលជាអង្គការដែលគ្រប់គ្រងការសាកល្បងវ៉ាក់សាំងរបស់ AstraZeneca និងក្រុមហ៊ុន Bristol Myers Squibb ដែលជាក្រុមហ៊ុនផលិតឱសថដើម្បីបង្កើតការធ្វើតេស្តខ្លីៗ។

លោក Bustos ក៏បាននិយាយផងដែរថាប្រព័ន្ធនានានឹងត្រលប់មកតាមបណ្តាញវិញហើយ គួរតែអាចដំណើរកាលពេលឆាប់នេះៗ។ នេះមានន័យថាវាបានចំណាយពេលលើសពីពីរសប្តាហ៍ដើម្បីដោះស្រាយបញ្ហា។ វាមិនច្បាស់ទេថាតើក្រុមហ៊ុនបានបង់ថ្លៃលោះ ឬមានមធ្យោបាយផ្សេងទៀតដើម្បីស្តារប្រព័ន្ធឡើងវិញ។

ខណៈពេលដែលមានឧប្បត្តិហេតុប្រព័ន្ធសន្តិសុខតាមអ៊ីនធឺណិត វាមិនបានបញ្ឈប់ការសាកល្បង និងការវិវត្តនៃការព្យាបាល វាទំនងជាជំរុញឱ្យមានការយឺតយ៉ាវ។ ការវាយប្រហាររបស់ ransomware មិនប៉ះពាល់ដល់ការសាកល្បងវ៉ាក់សាំងផ្សេងទៀតដូចជា Pfizer និង Johnson & Johnson ទេ។

ជាអកុសល នេះមិនមែនជាលើកទីមួយទេដែលឧប្បត្តិហេតុប្រព័ន្ធសុវត្ថិភាពតាមអ៊ីនធឺណិតបានរារាំងដល់ការអភិវឌ្ឍវ៉ាក់សាំង COVID-19 ។ កាលពីប៉ុន្មានខែមុនទីភ្នាក់ងារអនុវត្តច្បាប់រួមមាន NCSC, CSE, DHS CISA និង NSA បានចេញសេចក្តីណែនាំរួមគ្នាទាក់ទងនឹងសកម្មភាពថ្មីៗនៃ APT29 ទៅលើក្រុមហ៊ុនដ៏ទៃ ពីសហរដ្ឋអាមេរិក ចក្រភពអង់គ្លេស និងកាណាដាដែលពាក់ព័ន្ធនឹងការស្រាវជ្រាវកូវីដ - ១៩ ។